Дзеці парафіі Адведзінаў Найсвяцейшай Панны Марыі ў Гудагаі (Астравецкі дэканат) пачалі непасрэдную падрыхтоўку да велікодных святаў.
Маленькія парафіяне робяць пальмовыя галінкі да Пальмовай нядзелі. Ім дапамагаюць сёстры кармэліткі ад Дзіцяткі Езуса.
Выконваючы гэтую працу, дзеці знаёмяцца з традыцыямі ўрачыстасці Уваскрасення Пана. Гэтае знаёмства садзейнічае ўзрастанню іх веры, вучыць захоўваць хрысціянскія каштоўнасці.
Прэс-служба Гродзенскай дыяцэзіі
Фота: a. Аркадзь Куляха OCD
