15 сакавіка ў гродзенскай парафіі Святога Духа прайшоў конкурс ведаў “Святы Максімільян Кольбэ”.
Дзеці ўдзельнічалі ў конкурсе з вялікім захапленнем. Яны прадэманстравалі выдатную падрыхтоўку і глыбокія веды, упэўнена адказвалі на пытанні пра жыццё і подзвіг святога, яго веру, самаахвярнасць, адданасць Богу.
Атмасфера спаборніцтва была цёплай і добразычлівай, кожны ўдзельнік меў магчымасць адчуць сябе часткай вялікай духоўнай сям’і.
Рыхтуючыся да конкурсу, дзеці набылі новыя веды. Па словах арганізатараў, гэтыя веды дапамогуць ім лепш зразумець прыклад святога Максімільяна, які таксама працаваў у Гродне.
Па завяршэнні конкурсу ўсе дзеці атрымалі падарункі, а пераможцы – асаблівыя прызы.
Арганізатары маюць надзею, што гэты час, праведзены разам, садзейнічаў збліжэнню і сяброўству.
Прэс-служба Гродзенскай дыяцэзіі
