7 сакавіка, напярэдадні Міжнароднага жаночага дня, у гродзенскай катэдры адбыўся Крыжовы шлях для жанчын.
У набажэнстве ўдзельнічала шмат верніц. Яны неслі крыж ад стацыі да стацыі.
Разважанні Крыжовага шляху таксама прысвячаліся жанчынам. Між іншым, гаварылася, што жанчына, як і Божая Маці, ніколі не кіне сваё дзіця. Выказвалася думка, што як Хрыста распранулі падчас Яго мукі, так у сучаснай модзе творы разнастайных мадэльераў распранаюць жанчын. Гучалі словы, што, хоць для жанчын характэрна доўга памятаць крыўду, трэба ўмець дараваць, як Езус прабачыў людзям.
У канцы набажэнства пробашч катэдральнай парафіі кс. канонік Ян Кучынскі падзякаваў верніцам за супольную малітву і павіншаваў з надыходзячым святам.
Прэс-служба Гродзенскай дыяцэзіі
