7 сакавіка, напярэдадні Міжнароднага жаночага дня, супрацоўніцы Гродзенскай курыі і прэс-службы Гродзенскай дыяцэзіі атрымалі віншаванні ад біскупаў.
Жанчын, якія працуюць у службах курыі, павіншавалі біскуп Гродзенскі Уладзімір Гуляй і біскуп эмерыт Аляксандр Кашкевіч. Біскуп Гродзенскі падзякаваў ім за працу і пажадаў, каб Найсвяцейшая Панна Марыя была для іх узорам жанчыны, прыкладам служэння і адданасці.
Наведаўшы ў гэты дзень рэдакцыю дыяцэзіяльнай газеты “Слова Жыцця”, біскуп Гуляй пазнаёміўся з супрацоўніцамі прэс-службы Гродзенскай дыяцэзіі. Ён павіншаваў іх са святам і благаславіў на далейшае служэнне ў каталіцкіх мас-медыя.
Прэс-служба Гродзенскай дыяцэзіі
