Біскуп Гродзенскі Уладзімір Гуляй здзейсніў прызначэнні сярод святароў, якія служаць у Гродзенскай дыяцэзіі.
Ксёндз канонік Юрый Бяганскі вызвалены ад абавязкаў пробашча парафіі Адведзінаў Найсвяцейшай Панны Марыі і кусташа дыяцэзіяльнага санктуарыя Маці Божай Каралевы нашых сем’яў у Тракелях (Радунскі дэканат) і прызначаны пробашчам парафіі Найсвяцейшай Тройцы ў Войстаме і адміністратарам парафіі Найсвяцейшай Тройцы ў Данюшаве (Смаргонскі дэканат).
Ксёндз Уладзіслаў Сурвілa вызвалены ад абавязкаў пробашча парафіі Найсвяцейшай Тройцы ў Войстаме і адміністратара парафіі Найсвяцейшай Тройцы ў Данюшаве i прызначаны пробашчам парафіі Адведзінаў Найсвяцейшай Панны Марыі ў Тракелях і кусташам тракельскага санктуарыя.
Ксёндз Андрэй Каўшук прызначаны душпастырам (мадэратарам) руху цвярозасці ў Гродзенскай дыяцэзіі.
Біскуп Гродзенскі асабіста сустрэўся з кожным з гэтых святароў, уручыў дэкрэт аб прызначэнні і ўдзяліў пастырскае благаслаўленне на выкананне новых адказных абавязкаў.
Прэс-служба Гродзенскай дыяцэзіі
