За апошні месяц у кляштары сясцёр кармэлітак Дзіцяткі Езуса ў Гудагаі (Астравецкі дэканат) прайшлі адметныя падзеі.
Адной з іх быў кармэліцкі вечар для дарослых, прысвечаны асобе святой Тэрэзы ад Дзіцяткі Езуса. Удзельнікі сустрэчы разважалі за гарбатай пра рысы гэтай святой – настаўніцы духоўнасці, якая ў сваім кароткім жыцці, дзе былі і хвароба, і велізарныя пакуты, мела вялікія мэты. Ва ўдзельнікаў была магчымасць узгадаць пра багацце духоўнага жыцця святой, яе духоўную сталасць і глыбіню.
Яшчэ адной адметнай падзеяй у кляштары кармэлітак былі лютаўскія “Дні цішыні”. Гэтая сустрэча прызначалася для тых, хто імкнецца пачуць Божы голас праз цішыню і ўнутраную засяроджанасць, а таксама хоча правесці час у супольнасці.
Прэс-служба Гродзенскай дыяцэзіі
