Біскуп Гродзенскі Уладзімір Гуляй у паведамленні, адрасаваным духавенству і вернікам дыяцэзіі, просіць маліцца аб выздараўленні Святога Айца Францішка.
Адпаведную малітву біскуп заклікае ўзносіць у межах малітвы вернікаў на Імшах, якія цэлебруюцца ва ўсіх святынях Гродзенскай дыяцэзіі.
Таксама іерарх просіць духавенства, вернікаў дыяцэзіі і людзей добрай волі маліцца за Папу супольна і індывідуальна.
Прэс-служба Гродзенскай дыяцэзіі
