15 студзеня біскуп Гродзенскі Уладзімір Гуляй прызначыў кс. Юрыя Федука дэканам Шчучынскага дэканату.
На гэтай пасадзе святар зменіць кс. Юрыя Кузьміча, нядаўна прызначанага пробашчам парафіі Узвышэння Святога Крыжа ў Астраўцы.
Біскуп удзяліў ксяндзу Федуку пастырскае благаслаўленне на выкананне адказных абавязкаў на новай пасадзе.
Ксёндз Юрый Фядук паходзіць з парафіі св. Вацлава ў Ваўкавыску.
12 кастрычніка 1997 г. у катэдральнай базыліцы св. Францішка Ксаверыя ў Гродне біскуп Аляксандр Кашкевіч удзяліў яму прэзбітэрскае пасвячэнне.
З 2010 г. з’яўляецца пробашчам парафіі святых aпосталаў Пятра і Паўла ў Ражанцы (Шчучынскі дэканат).
Прэс-служба Гродзенскай дыяцэзіі
