Біскуп Гродзенскі Аляксандр Кашкевіч прызначыў двух грэміяльных канонікаў катэдральнага капітулу Унебаўзяцця Найсвяцейшай Панны Марыі і св. Казіміра.
Новымі канонікамі сталі кс. Аляксандр Мацкевіч, канцлер курыі Гродзенскай дыяцэзіі, і кс. Павел Шанчук, пробашч парафіі святых апосталаў Пятра і Паўла ў Гожы і дэкан дэканату Гродна-Усход.
Урачыстая цырымонія з гэтай нагоды адбылася 14 жніўня, у свята св. Максімільяна Марыі Кольбэ, апекуна Гродзенскай дыяцэзіі, на святой Імшы ў гродзенскай катэдры св. Францішка Ксаверыя. Эўхарыстыю ўзначаліў біскуп Аляксандр Кашкевіч.
Прэс-служба Гродзенскай дыяцэзіі
