Біскуп Гродзенскі Аляксандр Кашкевіч звяртаецца да ўсіх вернікаў і духавенства Гродзенскай дыяцэзіі, а таксама да людзей добрай волі, з вялікай просьбай аб малітве ў інтэнцыі цяжкахворага кс. каноніка Рышарда Якубца, пробашча парафіі Адведзінаў Найсвяцейшай Панны Марыі ў Мікелеўшчыне (Мастоўскі дэканат).
З пэўнага часу ксёндз Рышард знаходзіцца ў шпіталі ў Гродне, стан яго цяжкі.
Біскуп просіць таксама агарнуць малітвай усіх урачоў і службу аховы здароўя аб патрэбным для іх святле Духа Святога ў лячэнні святара і іншых пацыентаў, якія адчуваюць пакуты.
Прэс-служба Гродзенскай дыяцэзіі
