8 мая дзеці з парафіі Узвышэння Святога Крыжа ў Астраўцы здзейснілі пілігрымку ў санктуарый Гродзенскай дыяцэзіі Маці Божай Шкаплернай у Гудагаі (Астравецкі дэканат).
Двума днямі раней гэтыя дзеці прыступілі да Першай Камуніі, якую ім удзяліў пробашч астравецкай парафіі кс. Андрэй Горбач.
У санктуарыі дзеці ўдзельнічалі ў Эўхарыстыі, якую ўзначаліў пробашч гудагайскай парафіі а. Аркадзь Куляха OCD.
У канцы літургіі дзеці атрымалі кармэліцкія шкаплеры. Такім чынам яны далі абяцанне працягваць ісці шляхам Божых запаведзяў і ўзрастаць у веры.
Прэс-служба Гродзенскай дыяцэзіі
Фота: с. Ідалія Мархоцкая
