З 21 па 27 жніўня ў парафіі Узвышэння Святога Крыжа ў Лідзе прайшлі летнія “Канікулы з Богам”.
Моладзь і дзеці ахвотна правялі час разам у малітве і забавах.
Для разважання на час канікул была ўзята тэма “Узыдзем на гару”.
Кожны дзень пачынаўся святой Імшой. Праграма кожнага дня складалася з катэхезы, гульняў, забаваў і абеду на заканчэнне.
У межах адпачынку дзеці і моладзь пабывалі ў кіно і Лядовым палацы. Таксама ў лагеры адбылася пенная вечарынка.
Канікулы завяршыліся сумеснай святой Імшой і канцэртам, на якім дзеці і моладзь прадставілі танцы і песні.
Вікторыя Мікавоз, прэс-служба Гродзенскай дыяцэзіі