У адпустовую ўрачыстасць у Сапоцкіне падзякавалі Богу за ўраджай

У адпустовую ўрачыстасць Унебаўзяцця Найсвяцейшай Панны Марыі ў парафіі ў Сапоцкіне згодна з традыцыяй падзякавалі за сёлетні ўраджай.

Прысутныя на ўрачыстай святой Імшы шматлікія вернікі парафіі і госці дзякавалі Пану Богу за ўраджай і Яго апеку. Удзячнасць парафіян выразілася ў падрыхтаваных імі прыгожых дажынкавых вянках, якія яны прынеслі да алтара ў працэсіі.

У канцы літургіі пробашч парафіі кс. Антоні Абухоўскі выказаў усім прысутным падзяку за дар супольнай малітвы і заахвоціў асабліва маліцца аб тым, каб Бог захаваў свет ад голаду, агню і вайны.

Прэс-служба Гродзенскай дыяцэзіі