20 мая ў касцёле Божай Міласэрнасці ў Гродне (Вішнявец) адбылася велікодная сустрэча моладзі горада над Нёманам.
У сустрэчы ўдзельнічалі маладыя людзі гродзенскіх парафій разам са сваімі душпастырамі.
У праграме была святая Імша, на якой маліліся за моладзь Гродзенскай дыяцэзіі, асабліва аб святле Духа Святога для тых, хто здзяйсняе жыццёвы выбар.
Затым адбыўся шлях Святла вакол касцёла, які ўключаў 14 стацый у памяць пра сустрэчу ўваскрослага Хрыста з сябрамі і вучнямі.
Шлях Святла заахвочваў моладзь бачыць прысутнасць Бога ў чалавечым жыцці, а таксама заўважаць агонь любові і Божае святло ў штодзённасці, калі многія, на жаль, лічаць, што вакол цемра.
Шлях Святла (Via Lucis) – велікоднае набажэнства, якое праводзіцца на ўзор Крыжовага шляху (Via Crucis). Яно засноўваецца на разважанні аб сустрэчах уваскрослага Хрыста са сваімі вучнямі да моманту спаслання Духа Святога. Аўтар плану набажэнства – св. Ян Павел ІІ.
Прэс-служба Гродзенскай дыяцэзіі