2 красавіка ў катэдры св. Францішка Ксаверыя ў Гродне ўрачыстую Імшу Пальмовай нядзелі ўзначаліў біскуп Гродзенскі Аляксандр Кашкевіч.
Эўхарыстыя распачалася благаслаўленнем пальмовых галін, прынесеных вернікамі. Таксама на ёй па традыцыі чыталася апісанне Мукі Пана, якое прадстаўляе апошнія гадзіны зямнога жыцця Езуса Хрыста.
Пальмовай нядзеляй пачынаецца Вялікі тыдзень. На гэтым тыдні Касцёл узгадвае Апошнюю Вячэру, Муку, Смерць і Уваскрасенне Езуса.
Прэс-служба Гродзенскай дыяцэзіі
