Курыя Гродзенскай дыяцэзіі і Ордэн піяраў на Беларусі паведамляюць, штo 3 кастрычніка адышоў у вечнасць а. Віктар Занеўскі SP. Апошнія гады святар служыў у Польшчы.
Пахаванне адбудзецца 11 кастрычніка ў парафіяльным касцёле св. Тэрэзы Авільскай у Шчучыне.
Пачатак у 15.00.
Айцец Віктар Занеўскі нарадзіўся 12 кастрычніка 1974 г. у Гродне. Прынёс вечныя манаскія абяцанні 10 красавіка 1999 года, 13 сакавіка наступнага года прыняў пасвячэнне ў ступені прэзбітэрату.
Працаваў у Шчучыне і Лідзе, затым у Ракавіцэ (Польшча). Пазней працаваў у Чавусах (Мінска-Магілёўская архідыяцэзія), потым зноў у Польшчы: у Ракавіцэ, а з 2013 г. у Болшэве.
Вечны адпачынак дай яму, Пане...
