10 верасня ў Іўеўскім музеі нацыянальных культур адкрылася выстава, прысвечаная гісторыі парафіі святых апосталаў Пятра і Паўла ў Іўі. Выстава называецца “Артэфакты іўеўскага касцёла”.
Літургічныя рэчы са старадаўняй святыні на месяц сталі музейнымі экспанатамі, каб кожны мог бліжэй пазнаёміцца з гісторыяй веры на нашай зямлі. Такія “сімвалы веры” старанна захоўваюцца ў касцёле і схаваныя ад вялікай колькасці вачэй, таму гэтая выстава – добры шанец, каб іх пабачыць.
Адзін з тэматычных комплексаў прысвечаны доктару філасофіі, публіцысту, прыхільніку беларускай мовы ў Касцёле ксяндзу Ільдэфонсу Бобічу.
Выстава працуе да 9 кастрычніка. Даведкі па тэл. 6-80-35.
