Напярэдадні Пальмовай нядзелі ў парафіі Узвышэння Святога Крыжа ў Лідзе (Фара) прайшоў тэатралізаваны Крыжовы шлях.
Евангельскія сцэны апошніх момантаў зямнога жыцця Езуса Хрыста прадставілі пад кіраўніцтвам сясцёр назарэтанак наймалодшыя вернікі разам з моладдзю і семінарыстамі.
Пакутны шлях у касцёле меў 14 прыпынкаў, што дало прысутным магчымасць глыбей зразумець сэнс цярпення Езуса, якое Ён ахвяраваў за нашы грахі.
Пасля заканчэння набажэнства дзеці атрымалі пачастункі за ўдзел у штотыднёвым Крыжовым шляху.
Прэс-служба Гродзенскай дыяцэзіі
