Копіі цудадзейных абразоў Маці Божай з беларускіх санктуарыяў наведалі парафію ў Астраўцы

З 5 па 12 лютага ў парафіі святых Космы і Дам’яна ў Астраўцы адбывалася перэгрынацыя копій цудадзейных абразоў Маці Божай з санктуарыяў Беларусі.

На працягу тыдня парафіяне мелі магчымасць маліцца перад гэтымі выявамі Маці Божай, арыгіналы якіх у свой час былі каранаваны папскімі каронамі і якія ўшаноўваюцца шматлікімі вернікамі нашай краіны.

Святую Імшу на заканчэнне перэгрынацыі копій абразоў у парафіі ўзначаліў яе пробашч кс. канонік Юзаф Багдзевіч. Святар падзякаваў усім арганізатарам гэтай малітоўнай акцыі, асабліва а. Станіславу Станеўскаму CSsR, які з’яўляецца духоўным кіраўніком перэгрынацыі.

Пробашч выказаў надзею, што прабыванне абразоў у парафіі прычыніцца да яшчэ большага ажыўлення ў ёй культу Найсвяцейшай Панны Марыі.

Прэс-служба Гродзенскай дыяцэзіі

Фота: Віктар Ведзень