11 снежня ў парафіі Святога Духа ў Гродне (Альшанка) прайшоў майстар-клас “Дзіцятка Езус на вігілійны стол”.
На сустрэчы дзеці пазнаёміліся з уласцівасцямі гіпсу, які выкарыстоўваецца не толькі ў медыцыне, але з якога вельмі часта вырабляюцца і розныя фігуры. Дзеці назіралі за працэсам вырабу такіх фігурак.
Пазней кожнае дзіця мела магчымасць упрыгожыць сваю фігурку Езуса.
Арганізатары майстар-класу маюць надзею, што Дзіцятка Езус будзе не толькі ўпрыгожваць сваёй выявай вігілійны стол, але і благаслаўляць іх сем’і.
