Копіі цудадзейных абразоў Маці Божай з беларускіх санктуарыяў прыбылі ў навагрудскую Фару

01 Снежня 2021

26 лістападa копіі цудадзейных абразоў Маці Божай з беларускіх санктуарыяў, якія летам правозіліся ў пілігрымцы па нашай краіне, прыбылі ў санктуарый Гродзенскай дыяцэзіі благаслаўлёных назарэтанак-мучаніц у Навагрудку.

Унясенне абразоў вернікамі адбылося перад святой Імшой, якую цэлебраваў а. Станіслаў Станеўскі CSsR разам з рэктарам касцёла кс. Янам Балтрукевічам.

Таксама з нагоды перэгрынацыі копій абразоў выдавецтва “Pro Christo” выпусціла брашуру “Цудадзейныя абразы Маці Божай”.

У выданні можна прачытаць асноўныя звесткі пра цудадзейныя абразы, копіі якіх цяпер вандруюць па парафіях нашай краіны. Змешчаны малітвы да Маці Божай, пададзена інфармацыя пра адпусты і набажэнствы, якія адбываюцца ў святынях, дзе прабываюць арыгіналы абразоў.