14 кастрычніка ў іўеўскім райвыканкаме традыцыйна прайшоў урачысты прыём, прысвечаны Дню маці. Сёлета ўдзельнікамі мерапрыемства сталі дзесяць жанчын, якія з годнасцю нясуць высокае званне маці.
З жанчынамі сустрэліся старшыня райвыканкама Ігар Генец, ксёндз Дзяніс Бразінскі і протаіерэй Вячаслаў Пашкевіч.
У Іўеўскім раёне пражываюць 412 шматдзетных сем’яў, 28 сем’яў, у якіх пяцёра і больш дзяцей, 68 сем’яў, якія выхоўваюць дзяцей-інвалідаў, дзве прыёмныя сям’і, дзе выхоўваюцца шасцёра дзяцей-сірот і дзяцей, якія засталіся без апекі бацькоў, і знаходзіцца адзін дзіцячы дом сямейнага тыпу, у якім выхоўваюцца шасцёра дзяцей-сірот.
Раман Ярмош