18–19 лістапада адбудзецца фармацыйная сустрэча для святароў Гродзенскай дыяцэзіі ад 1 да 8 гадоў святарства.
Сустрэча пройдзе ў рэкалекцыйным доме пры парафіі Св. Міхала Арханёла ў Навагрудку.
У яе межах святары паслухаюць лекцыі Уладзіслава Валаховіча, доктара тэалогіі, дырэктара дабрачыннага фонду абароны жыцця і сям’і “Адкрытыя сэрцы”.
У лекцыях будуць закрануты такія тэмы, як “пагрозы для сям’і ў сучасным свеце і каталіцкі адказ на гэтыя пагрозы”, “вернасць у цэлібаце і сужэнская вернасць”, “тоеснасць мужчыны і жанчыны ў Касцёле ў часы гендарнай рэвалюцыі”.
Пачатак сустрэчы 18 лістапада ў 16.00, заканчэнне на наступны дзень абедам у 13.00.
JM
