Семінарыйная бібліятэка з’яўляецца інтэгральнай часткай Вышэйшай духоўнай семінарыі ў Гродне. У момант паклікання да жыцця гэтай навучальнай установы ў 1990 г. пачаліся таксама старанні па ўтварэнні бібліятэкі, якая б забяспечыла навуковую базу для будучых навучэнцаў і выкладчыкаў.
Спачатку бібліятэка служыла толькі семінарыстам, выкладчыкам і дыяцэзіяльным святарам, аднак патрэба прывяла да таго, што яна стала даступнай і для свецкіх асобаў.
У семінарыйную бібліятэку можа запісацца кожны жадаючы. Пры сабе неабходна мець пашпарт.
Бібліятэка ўтрымлівае зборы ў галінах філасофіі, тэалогіі, біблеістыкі, гісторыі Касцёла і агульнай гісторыі, агульнага права, псіхалогіі, сацыялогіі, педагогікі, літаратуры, а таксама часопісы. Тут можна знайсці як духоўную, так і іншую навуковую літаратуру, патрэбную для вучобы ці напісання курсавых і дыпломных прац.
Агульны кнігазбор бібліятэкі складае сёння больш за 35 тысяч асобнікаў, з якіх каталагізавана ўжо больш за 28 тысяч. Акрамя таго, працягваецца працэс стварэння электроннага каталога, у які на сённяшні дзень уведзена больш за 13 тысяч кніг.
Час працы бібліятэкі для асобаў звонку:
Панядзелак, аўторак, серада, чацвер, пятніца – 10.00-14.00, 15.00-17.00
Субота – 10.00-14.00, 15.00-16.00
(акрамя касцёльных святаў)
Адрас:
Вышэйшая духоўная семiнарыя
вул. Парыжскай Камуны, 1
230025 г. Гродна
тэл. +375 (0152) 770234
факс +375 (0152) 771353
e-mail: wsd@grodnensis.by
сайт: wsd.grodnensis.by
