31 студзеня вернікі гродзенскай парафіі Маці Божай Анёльскай мелі магчымасць выказаць словы ўдзячнасці айцу Антонію Пажэцкаму OFMConv. Апошнія некалькі гадоў францішканін быў пробашчам гэтай парафіяльнай супольнасці, а раней – яе вікарыем.
Рашэннем уладаў свайго ордэну а. Антоні накіраваны на служэнне ў якасці пробашча ў парафію Найсвяцейшай Тройцы і св. Францішка з Асыжу ў Свіслачы (дэканат Вялікая Бераставіца). Там ён працягне служыць Богу і людзям, замяніўшы а. Валерыя Шэйгерэвіча OFMСonv, які накіраваны на служэнне ў Івянец (Мінска-Магілёўская архідыяцэзія).
У дзень развітання на кожнай Імшы ў гродзенскай парафіі гучалі цёплыя словы ўдзячнасці а. Антонію за клопат пра святыню і людзей. Вернікі, ад малодшага да старэйшага, жадалі францішканіну, каб Марыя, Каралева Анёлаў, вяла яго і клапацілася пра яго на новым месцы.
Кс. Юрый Марціновіч
