Адбылося пахаванне бацькі кс. Алега Дуля, які сам памёр на наступны дзень пасля бацькі

4 красавіка ў парафіяльным касцёле святой Тэрэзы Авільскай у Шчучыне адбылося пахаванне Станіслава Дуля, бацькі ксяндза каноніка Алега Дуля.

Сам сын спачылага, кс. Алег, пробашч парафіі святога Станіслава Косткі ў Ваўкавыску i дэкан Ваўкавыскага дэканату, неспадзявана памёр напярэдадні гэтага пахавання.

Пахавальную святую Імшу з удзелам святароў, сям’і памерлага і парафіян узначаліў Генеральны вікарый Мінска-Магілёўскай архідыяцэзіі біскуп Юрый Касабуцкi.

Гамілію прамовіў Генеральны вікарый Гродзенскай дыяцэзіі біскуп Юзаф Станеўскі.

Спачылага пахавалі на адных з шчучынскіх могілак.

Кс. Юрый Марціновіч

Фота: а. Віталій Слука SP