29 лістапада 70-годдзе з дня заснавання адзначыла адкрытае акцыянернае таварыства “Граніт-Агра”. Павіншаваць гаспадарку з юбілеем сабралася шмат гасцей i спонсараў.

Як паведамляе diatlovonews.by, благаславіць працаўнікоў на далейшую плённую працу прыбылі каталіцкі і праваслаўны святары.

Каталіцкі Касцёл прадставіў пробашч парафіі Святых Анёлаў Ахоўнікаў у Раготне (Дзятлаўскі дэканат) кс. Віктар Захарэўскі.

У святочнай зале Лапушанскага клуба прысутнічалі ветэраны вытворчасці, перадавыя працаўнікі, тыя, хто сваёй працай на працягу многіх гадоў мацаваў гаспадарку і сёння працуе на карысць сельгаспрадпрыемства.