21 лістапада, напярэдадні літургічнага ўспаміну св. Цэцыліі, апякункі касцёльнай музыкі, у аддзяленні хоспіс гарадской клінічнай бальніцы №2 г. Гродна адбыўся канцэрт з серыі “Музычны полудзень”.
Для пацыентаў хоспіса выступіў з канцэртнай праграмай дзіцячы парафіяльны хор “Misterium” гродзенскай парафіі Маці Божай Анёльскай (францішканскі касцёл).
У гэты восеньскі вечар калідоры і палаты хоспіса напоўнілі гукі дзяцячых галасоў. На жаль, не ўсе пацыенты з-за цяжкай хваробы змаглі ўстаць з ложка, але адчыненыя дзверы палат дазволілі і ім атрымаць асалоду ад песень і звонкага дзіцячага смеху.
Адзін мужчына быў вельмі засмучаны, што не можа падняцца з ложка, і магчымасць слухаць канцэрт яго не задавольвала. Праблема вырашылася лёгка – дзеці самі прыйшлі ў палату, выклікаўшы самыя шчырыя слёзы радасці і апладысменты.
JM
