Інфармацыя для кіраўнікоў пілігрымак у Тракелі

На паседжанні арганізацыйнага камітэта з нагоды ўрачыстасці ў Тракелях быў прыняты дэвіз сёлетніх пілігрымак у Тракелі: „Totus Tuus”. Сёлета мы асабліва дзякуем Богу за дар беатыфікацыі Святога Айца Яна Паўла II і ўдзельнічаем ва ўрачыстым святкаванні 20-годдзя ўстанаўлення нашай дыцэзіі. У сувязі з гэтым арганізацыйны камітэт прапануе кіраўнікам пілігрымак наступныя тэмы канферэнцый:

1. Ян Павел II – Марыйны Папа
2. Ян Павел II – Папа міру
3. Ян Павел II – Папа малітвы
4. Ян Павел II – Папа маладых
5. Ян Павел II – Папа надзеі

Варта таксама падчас пілігрымкі нагадаць верным гісторыю жыцця бл. Яна Паўла II і наблізіць гісторыю паўстання і развіцця нашай дыяцэзіі. Жадаем усім багатых духоўных дароў падчас пілігрымкі.