23 чэрвеня ў Гродне адбудуцца галоўныя ўрачыстасці Божага Цела. Урачыстая св. Імша распачнецца а 18-й гадзіне на ўзгорку каля Францішканскага касцёла. Потым вернікі пройдуць у працэсіі з малітвай да Пабернардынскага касцёла, а пасля – да Пабрыгіцкага. Апошняя стацыя будзе каля катэдральнага касцёла, дзе і адбудзецца ўрачыстае заканчэнне працэсіі. Сёлета Евангелле на паасобных стацыях будзе прачытана па-польску, беларуску, руску і літоўску. Заклікаем усіх жыхароў Гродна і ваколіц да актыўнага ўдзелу ў працэсіі.
У некаторых парафіях нашай дыяцэзіі працэсія Божага Цела пройдзе ў нядзелю, 26 чэрвеня. Заахвочваем усіх да ўдзелу ва ўрачыстасцях Найсвяцейшага Цела і Крыві Езуса (Божае Цела).
