21 мая адбылася дабрачынная акцыя Акадэмічнага душпастырства “Open“, прымеркаваная да Дня сям’і, які святкуецца 15 мая. Дзякуючы намаганням валанцёрскай групы “Уваскрэсенне” пры Душпастырстве студэнцкай і працуючай моладзі, што дзейнічае пад кіраўніцтвам кс. Антонія Грэмзы, 15 дзяцей з Гродзенскага рэабілітацыйнага цэнтра разам з бацькамі, настаўнікамі і выхаваўцамі змаглі адпачыць у гарадзенскім маёнтку Каробчыцы.Спачатку экскурсавод расказаў пра сам маёнтак, потым усе пайшлі ў стайню, дзе змаглі ўбачыць коней і поні розных парод. Дзеці з бацькамі праехалі на дыліжансе па тэрыторыі парку з экскурсаводам, які распавёў пра багатую флору і фауну «Гарадзенскага маёнтка». Дзеці-інваліды мелі магчымасць пракаціцца вярхом на кані або поні пры дапамозе валанцёраў і трэнера.
Моладыя людзі і кс. Антоні суправаджалі дзецей, дапамагаючы бацькам падчас прагулкі па тэрыторыі агратурыстычнага комплексу.
На развітанне дзеці атрымалі ад валанцёрскай групы “Уваскрэсенне” падарункі. Такія ж падарункі чакалі ў рэабілітацыйным цэнтры тых дзяцей, якія не змаглі выехаць на адпачынак,.
Такая акцыя праводзілася ўпершыню, і валанцёры Душпастырства маюць надзею, што яна стане сталай традыцыяй, таму што шчаслівыя і поўныя падзякі вочы бацькоў і выхаваўцаў – а перад усім саміх дзяцей - з’яўляюцца выразным доказам добра распачатай працы.
