8 чэрвеня ў парафіяльнай святыні ў Каменцы выпускнікі мясцовай школы сабраліся на супольнай св. Імшы, каб дзякаваць Богу за 11 год навучання, здабытыя веды і атрыманыя дары Святога Духа. Хлопцы і дзяўчаты таксама прасілі аб благаслаўленні на новы этап зямнога шляху.
"Кожнага з вас чакае дарослае жыццё, у якім будуць узлёты і падзенні. У гэтыя моманты варта ўзгадаць крыжовы шлях Пана Езуса, які падаў, але адразу ўставаў, каб ісці далей. З Божай дапамогай усё атрымаецца", - звярнуўся да моладзі кс. Андрэй Кеўлюк, пробашч парафіі.
На заканчэнне св. Імшы выпускнікі атрымалі абразы св. Антонія, нябеснага апякуна касцёла ў Каменцы, каб Ён выпрошваў у Госпада патрэбныя ласкі.
АМ
