У межах праекту “Самазанятасць – шлях да фінансавай незалежнасці”, які ўжо другі год рэалізуе Нацыянальны “Карытас” Беларусі, быў праведзены семінар у Гродне.
Актыўным і творчым удзельнікам сустрэчы была прапанавана тэма навучальнага практыкуму “Прадпрымальніцтва як від самазанятасці”, які правёў Ігар Мікульчык, трэнер міжнароднага курсу па фінансавай адукаванасці, старшыня праўлення, аналітык па фінансавай адукацыі і развіцці патэнцыялу арганізацыі.
Мэтай семінару было раскрыць некаторыя юрыдычныя, эканамічныя і псіхалагічныя аспекты прадпрымальніцкай дзейнасці, стымуляваць самазанятасць аўдыторыі, асабістую адказнасць за свае даходы і ўзровень жыцця.
Асабліва цікава было працаваць у групах па абмеркаванні бізнес-ідэй, якія прапаноўвалі самі ўдзельнікі семінару, дзе праводзілі SWOT-аналіз, выказвалі думкі па рэалізацыі праекту. У другой частцы семінару трэнер звярнуў увагу на прасоўванне і рэалізацыю свайго тавару або паслуг. Значную ролю, як было заўважана, неабходна надаваць рэкламе, бо можна выдатна штосьці ствараць, але так і не знайсці сваю аўдыторыю спажыўцоў.
Напрыканцы сустрэчы была магчымасць задаць пытанні вядучаму, які ахвотна дзяліўся сваім вопытам, прыводзіў прыклады, выказаў свае меркаванні па тэме.
Удзельнікі семінару выказалі пажаданне працягнуць навучанне па дадзеным накірунку.
Наталля Вішнеўская
