17 лістапада Іўе стала сталіцай абласнога фестывалю-кірмашу працаўнікоў вёскі. Па традыцыі ў гэты дзень падвялі вынікі працы сельскагаспадарчай галіны рэгіёна і ўзнагародзілі тых, чыя праца была на самым высокім узроўні.

Цэнтр горада ператварыўся ў вялікую святочную пляцоўку са сцэнамі, гандлёвымі і рамесніцкімі радамі, спартыўнымі і забаўляльнымі зонамі.

На свяце прысутнічалі прадстаўнікі “Дабрачыннага каталіцкага таварыства “Карытас”” Канферэнцыі Каталіцкіх Біскупаў у Беларусі разам з дырэктарам кс. Віталіем Дабраловічам.

Усе маглі пазнаёміцца з дзейнасцю каталіцкай арганізацыі і з праектамі, рэалізаванымі ў нашай краіне. Акрамя гэтага, можна было набыць розныя гаджэты, грошы з продажу якіх прызначаны на дабрачынныя мэты.

Kс. Юрый Марціновіч

Фота: Людміла Пясецкая