20 кастрычніка дапаможны біскуп Гродзенскай дыяцэзіі Юзаф Станеўскі ў межах кананічнай візітацыі Слонімскага дэканату наведаў парафію Звеставання Найсвяцейшай Панне Марыі ў Міжэрычах.
Іерарха прывітаў пробашч парафіі кс. Дзяніс Шмыгін, які пазнаёміў яго з гісторыяй святыні і спецыфікай гэтай супольнасці.
Біскуп узначаліў у касцёле святую Імшу ў інтэнцыі тых, хто ўтварае парафію. Таксама ён маліўся аб дары жывой веры для ўсіх.
Іерарх заклікаў парафіян з верай даручаць Богу свае штодзённыя клопаты і страхі і будаваць сваё сёння і заўтра на фундаменце Божых запаведзяў. Ён падзякаваў вернікам за клопат аб парафіяльнай святыні і трыванне з Хрыстовым Касцёлам.
У той жа дзень біскуп здзейсніў кананічную візітацыю парафіі Найсвяцейшай Тройцы ў Зэльве.
Kс. Юрый Марціновіч
