21 чэрвеня адбылося падвядзенне вынікаў і вызначэнне найлепшых удзельнікаў Х юбілейнай Парафіяды дзяцей і моладзі Гродзенскай дыяцэзіі.
У гродзенскай парафіі Беззаганнага Зачацця Найсвяцейшай Панны Марыі прайшла цырымонія ўзнагароджання і ўручэння памятных падарункаў. У ёй прыняў удзел біскуп Гродзенскі Аляксандр Кашкевіч, які з самага пачатаку існавання Парафіяды ў дыяцэзіі нясе над ёю ганаровы патранат.
Належыць падкрэсліць, што тры першыя месцы па традыцыі займаюць тыя ж парафіі, якія кожны год паказваюць высокую ступень падрыхтоўкі як у конкурсах ведання жыцця Касцёла, біблейскім, тэатральным і музычным, так і на стадыёне.
Першае месца заняла парафія Найсвяцейшай Тройцы ў Росі,
другое — парафія Святой Сям’і ў Лідзе,
трэцяе — парафія Найсвяцейшай Панны Марыі Вастрабрамскай Маці Міласэрнасці ў Гродне (Аўгустовак).
У кожным элеменце трыяды “святыня — тэатр — стадыён” таксама былі вызначаны пераможцы:
“Святыня” — парафія Найсвяцейшай Тройцы ў Росі.
“Тэатр” — парафія Найсвяцейшай Тройцы ў Росі.
“Стадыён” — парафія Беззаганнага Зачацця Найсвяцейшай Панны Марыі ў Гродне (Паўднёвы).
Прапануем азнаёміцца з усімі вынікамі Парафіяды і чарговасцю занятых месцаў:
4-е месца – парафія Св. Мікалая, біскупа, у Геранёнах
5-е месца – парафія Маці Божай Тройчы Цудоўнай у Мастах
6-е месца – парафія Беззаганнага Зачацця Найсвяцейшай Панны Марыі ў Гродне (Паўднёвы)
7-е месца – парафія Найсвяцейшага Адкупіцеля ў Гродне (Дзевятоўка)
8-е месца – парафія Беззаганнага Зачацця Найсвяцейшай Панны Марыі ў Слоніме
9-е месца – парафія Святога Духа ў Гродне (Альшанка)
10-е месца – парафія Спаслання Духа Святога ў Бярозаўцы
11-е месца – парафія Маці Божай Анёльскай у Гродне (францішканскі)
12-е месца – парафія Найсвяцейшай Тройцы ў Зельве
13-е месца – парафія Свв. апосталаў Сымона і Юды Тадэвуша ў Воранаве
14-е месца – парафія Св. Францішка Ксаверыя ў Гродне (катэдра)
15-е месца – парафія Найсвяцейшага Сэрца Пана Езуса і св. Тэрэзы Авільскай у Шчучыне
16-е месца – парафія Св. Міхала Арханёла ў Смаргоні
17-е месца – парафія Узвышэння Святога Крыжа ў Лідзе (Фара)
18-е месца – парафія Унебаўзяцця Найсвяцейшай Панны Марыі і св. Язафата Кунцэвіча ў Сапоцкіне
19-е месца – парафія Божай Міласэрнасці ў Гродне (Вішнявец)
20-е месца – парафія Св. Яна Хрысціцеля ў Валкалаце (Віцебская дыяцэзія)
21-е месца – парафія Найсвяцейшай Тройцы ў Германішках
22-е месца – парафія Свв. апосталаў Пятра і Паўла ў Гожы
23-е месца – парафія Унебаўзяцця Найсвяцейшай Панны Марыі ў Адамавічах
24-е месца – парафія Свв. апосталаў Пятра і Паўла ў Іўі
25-е месца – парафія Найсвяцейшага Сэрца Пана Езуса і св. Андрэя Баболі ў Мінойтах
26-е месца – парафія Св. Юзафа ў Гродне
27-е месца – парафія Адшукання Святога Крыжа ў Гродне (бернардынскі)
28-е месца – парафія Найсвяцейшай Тройцы ў Індуры
29-е месца – парафія Св. Вацлава ў Ваўкавыску
30-е месца – парафія Перамянення Пана ў Вялікай Бераставіцы
Віншуем усіх з перамогай!
10-я юбілейная Парафіяда дзяцей і моладзі Гродзенскай дыяцэзіі адбылася ў Гродне 18-21 чэрвеня. Cустрэча, якая складаецца з трыяды “святыня – тэатр – спорт”, праходзiла пад дэвізам “Жыць Евангеллем”.
Удзел у ёй прынялі каля 500 чалавек з 30 парафій. Упершыню ў ёй удзельнічала група з Віцебскай дыяцэзіі (Валкалата). У правядзенні мерапрыемства дапамагaлі 25 валанцёраў.
Кс. Юрый Марціновіч
Фота: Баляслаў Гавецкі
