3 чэрвеня ў Іўі адбыўся традыцыйны велапрабег пад дэвізам “Дзеці Іўя за жыццё і мір”. Мерапрыемства было арганізавана кс. Янам Гавецкім, пробашчам парафіі Святых апосталаў Пятра і Паўла, з нагоды Міжнароднага дня дзіцяці.
Удзельнікі велапрабегу праехалі вуліцамі свайго горада, а таксама завіталі да дзяўчынкі-інваліда Насці, каб падтрымаць яе малітвай.
Суправаджалі “велапрацэсію” супрацоўнікі ДАІ Іўеўскага РАУС. На завяршэнне велапрабегу ўсе ўдзельнікі атрымалі прыемны падарунак — марожанае і слодычы.
Падобная акцыя праходзіць у Іўі ўжо некалькі гадоў запар і арганізуецца каталіцкай парафіяй.
Kс. Юрый Марціновіч
