13 лютага ў Пабрыгіцкім касцёле адбылася чарговая сустрэча Душпастырства настаўнікаў. Распачалася яна а 16.00 гадзіне св. Імшой, якую ўзначаліў душпастыр настаўнікаў кс. Антоні Грэмза. У гаміліі ён звярнуў увагу на хрысціянскія каштоўнасці і нормы як на найбольш адпаведныя як для кожнага чалавека, так і ўсяго грамадства. Асаблівая ўвага была прысвечана маральнаму праву і яго выкананню ў грамадстве, у тым ліку ў школе.Пасля малітвы адбылася традыцыйная сустрэча ў сясцёр назарэтанак. Яе тэмай было навучанне рэлігіі ў школе і пры касцёлах. Сустрэча мела даследчыцка-дыскусійны характар. Падчас яе была падкрэслена неабходнасць адпаведнага сямейнага хрысціянскага выхавання, якое з’яўляецца асновай будучага добрага супрацоўніцтва Касцёла і сям’і.
Наступная сустрэча Душпастырства адбудзецца 13 сакавіка а 16.00. Шчыра запрашаем настаўнікаў і выхаваўцаў на душпастырскія сустрэчы.
