З 7 па 12 лютага ў Варшаве, у спартыўнай зале Акадэміі фізічнага выхавання прайшоў XX Міжнародны турнір па міні-футболе ў васьмі ўзроставых групах. Яго арганізатарам вось ужо 20 год з’яўляецца кс. Міраслаў Мікульскі. Гродзенскую дыяцэзію на гэтым турніры ў катэгорыі 1993 г.н. прадстаўляла каманда моладзі і міністрантаў з парафіі Гродна-Аўгустовак. Каманду суправаджалі кс. Артур Малафей і сп. Аляксандр Гусар, яе трэнер.Цяпло і гасціннасць вернікаў варшаўскай парафіі св. Патрыка, якія прынялі каманды на начлег, суправаджала каманду з Гродна на працягу ўсяго Турніру. Пераможцаў у нашай катэгорыі выбіралі сярод 8 каманд, у тым ліку з Літвы. Аўгустовак заняў ганаровае 3 месца, атрымліваючы кубак і іншыя ўзнагароды, якіх было шмат дзякуючы дапамозе спонсараў.
