18 верасня ў Гродзенскай курыі адбылася сустрэча біскупа Гродзенскага Уладзіміра Гуляя са скаўтамі парафіі Найсвяцейшага Адкупіцеля ў Гродне.
У сардэчнай размове скаўты распавялі біскупу пра сваю педагогіку і дзейнасць у парафіі і Касцёле на Беларусі ў цэлым.
Біскуп падзякаваў ім за служэнне на ўрачыстасцях у Нацыянальным санктуарыі ў Будславе і на іншых касцёльных мерапрыемствах.
У канцы сустрэчы іерарх удзяліў скаўтам пастырскае благаслаўленне на новы год іх фармацыі.
Прэс-служба Гродзенскай дыяцэзіі
