Св. Схаластыка была родам з Нурсіі, невялічкай італьянскай мясцовасці. Яна была блізняці св. Бенедыкта, апата, і з дзяцінства знаходзілася пад яго ўплывам. Схаластыка суправаджала брата ў падарожжах і пераймала яго лад жыцця, прысвечаны Пану Богу. Калі св. Бенедыкт заснаваў першы кляштар у Субіяка, яна заснавала ніжэй падобны кляштар для дзяўчын. Да сённяшняга дня на ўзгорках каля Субіяка існуюць два кляштары: жаночы - св. Схаластыкі і мужчынскі – св. Бенедыкта.Паводле сведчання св. Грыгорыя, папы, на трэці дзень пасля смерці сястры св. Бенедыкт, глядзячы са сваёй келлі на свет і кляштар, у якім жыла св. Схаластыка, убачыў яе душу ў выглядзе белай галубкі, што ўзносіцца неба. Ён адразу ж паслаў братоў па яе цела і паклаў яго ў магілу, якую падрыхтаваў для сябе ў касцёле свайго кляштара. Святая адышла да Бога каля 542 г.
Св. Схаластыка з’яўляецца духоўнай маці ўсіх сем’яў бенедыктынак. Бенедыктынская ідэя і сёння мае багаты плён у даўніх і новых ордэнскіх сем’ях.
