28 снежня ў СШ № 20 адбылася аплаткавая сустрэча, на якой вучні 1-11 класаў прадставілі батлейку на чатырох мовах - беларускай, польскай, рускай і англійскай. Арганізавалі сустрэчу і падрыхтавалі дзяцей і моладзь да выступлення настаўнікі школы: настаўніца беларускай мовы Краўцэвіч Яніна Станіславаўна і настаўніцы польскай мовы Дзенісевіч Ірына Пятроўна і Максімовіч Марыя Альфрэдаўна. Гасцямі сустрэчы былі: кс. Артур Малафей, кс. Дзяніс Шмыгін, кс. Марэк Занеўскі, прадстаўнік ГА “Польская Мацеж Школьная” п. Барбара Фустачэнка, настаўнікі школы, вучні, а таксама іх бацькі.Кульмінацыяй сустрэчы было супольнае дзяленне аплаткай. Былі таксама падведзены вынікі конкурса “Віфлеемская шопка”, удзельнікі якой атрымалі падарункі ад святароў парафіі Гродна-Аўгустовак. Вучні школы, якія вывучаюць польскую мову, атрымалі салодкія падарункі ад ГА “Польская Мацеж Школьная”.
