30 красавіка ў гродзенскай парафіі Беззаганнага Зачацця Найсвяцейшай Панны Марыі адбылася першая арганізацыйная сустрэча валанцёраў Дыяцэзіяльнага дня дзіцяці. VII Дыяцэзіяльны дзень дзіцяці адбудзецца 1 чэрвеня ў Гродне.
На сустрэчу прыбыло больш за 30 чалавек з розных парафій Гродна, якія выказалі жаданне ўдзельнічаць у падрыхтоўцы свята для дзяцей Гродзенскай дыяцэзіі.
Кожны ўдзельнік сустрэчы запоўніў анкету, падрыхтаваную арганізатарамі. Затым арганізатары прааналізуюць анкеты, падзеляць абавязкі і далучаць удзельнікаў да адпаведных груп і майстэрняў, якія будуць дзейнічаць падчас Дня дзіцяці.
Арганізатары чакаюць таксама новых валанцёраў, якія захочуць разам падрыхтаваць шматлікія забавы для дзяцей падчас VII Дыяцэзіяльнага дня дзіцяці.
Паведаміць пра свой удзел у валанцёрстве і атрымаць больш інфармацыі пра гэта можна ў кс. Юрыя Марціновіча — арганізатара і адказнага за Дыяцэзіяльны дзень дзіцяці: e-mail: sakralna@op.pl
(8 044) 460 61 40 (Velcom),
(8 029) 784 05 72 (MTС).
Наступная сустрэча валанцёраў адбудзецца 9 мая ў гродзенскай парафіі Беззаганнага Зачацця Найсвяцейшай Панны Марыі ў 17.00.
JM
