Ніжэй прадстаўлены вашай увазе правілы ўдзелу ў конкурсах парафіяды, якая будзе праходзіць у Гродна з 22 па 25 чэрвеня.
Правілы ўдзелу ў конкурсе малых тэатральных форм
1. Tэма конкурсу вольная (але рэлігійная)
2. Працягласць – да 15 мін , час мантажу і дэмантажу на сцэне – 5 мін
3. У выпадку, калі працягласць конкурсу будзе звыш дадзенага часу - прадстаўленне будзе астаноўлена
4. У конкурсе можа ўдзельнічаць толькі аматарская група
5. Узрост удзельнікаў – усе катэгорыі
6. Не дапушчаецца непасрэднае выступленне на сцэне апякуна групы
Правілы ўдзелу ў конкурсе рэлігійнай песні “Sacro song”
1. У конкурсе могуць удзельнічаць салісты, дуэты, вакальныя і вакальна-інструментальныя групы ў трох катэгорыях
2. Кожная парафія можа прадставіць у конкурсе максімальна 6 удзельнікаў або груп (па 2 у кожнай катэгорыі)
3. Выканаўцы прэзентуюць толькі адну рэлігійную песню
4. Вакалісты могуць выконваць творы пад акампанемент “жывы гук” і таксама пад фанаграму “-“(мінус, г.зн. без вакалу), якая павінна быць запісана на CD-дыску
5. Кіраўнік кожнага саліста або групы выконвае толькі інструктарскую функцыю па-за сцэнай.
6. Выступ будзе ацэньвацца згодна з наступнымі крытэрыямі:
► выбар рэпертуару, харэаграфічная апрацоўка, выбар музыкі, тэхніка выканання, выбар і эстэтыка касцюмаў, агульны артыстычны выраз (здольнасці сцэнічнай прэзентацыі)
Правілы ўдзелу ў конкурсе песні “Музыка – маё жыццё”
1.У аглядзе неабходна выканаць творы на іншую (не рэлігійную) тэму
2. Кожная парафія можа прадставіць у конкурсе максімальна 6 удзельнікаў або груп (па 2 у кожнай катэгорыі)
3. Выканаўцы прэзентуюць толькі адну песню, адпаведную ўзросту
4. Вакалісты могуць выконваць творы пад акампанемент “жывы гук” і таксама пад фанаграму “-“(мінус, г.зн. без вакалу), якая павінна быць запісана на CD-дыску
5. Кіраўнік кожнага саліста або групы выконвае толькі інструктарскую функцыю па-за сцэнай
6. Выступленне ацэньваецца згодна з наступнымі крытэрыямі:
► выбар рэпертуару, харэаграфічная апрацоўка, выбар музыкі, тэхніка выканання, выбар і эстэтыка касцюмаў, агульны артыстычны выраз (здольнасці сцэнічнай прэзентацыі)
Правілы ўдзелу ў конкурсе малюнка
1. Тэмы конкурса:
Кат. А – ілюстрацыя “Навяртанне Нінівы” (Ёна 3,1-10)
Кат. В – ілюстрацыя “Навяртанне Нінівы” (Ёна 3,1-10)
Кат. С – ілюстрацыя да верша “Крыніца”(Ян Павел ІІ, Рымскі Трынціх)
2. Працягласць конкурса – да 1 гадзіны
3. Кожная парафія можа прадставіць у конкурсе максімальна 6 удзельнікаў (па 2 у дадзенай катэгорыі)
4. Працы павінны быць падпісаны: імя, прозвішча, узрост, парафія, мясцовасць
5. Малюнкі выконваюцца толькі падчас парафіяды
6. Праца ацэньваецца згодна з наступнымі крытэрыямі:
інтэрпрэтацыя тэмы (0-5 пунктаў), арыгінальнасць (0-5пунктаў), адпаведнасць тэме (0-5 пунктаў), артыстычныя якасці працы (кампазіцыя, каларыстычная гама, тэхніка выканання) (0-5 пуктаў).
"Навяртанне Нінівы" (Ёна 3, 1-10)
І зноў было слова Госпада да Ёны: "Устань, ідзі ў Нініву, вялікі горад, і абвяшчай у ёй тое, што Я табе даручыў". І ўстаў Ёна, і накіраваўся ў Нініву па загадзе Госпада. А Нініва перад абліччам Бога была вялікім горадам, у абход на тры дні. Дык пачаў Ёна хадзіць па горадзе ў абход на адзін дзень, і прапаведаваў, і казаў: "Яшчэ сорак дзён і Нініва будзе зруйнаваная". І паверылі нініўцы Богу, і абвясцілі пост, і апрануліся ў зрэбніцы, ад найбольшага да найменашага. І дайшла гэтая вестка да цара Нінівы, і ён ўстаў з пасада свайго, скінуў плашч свой з сябе ды апрануўся ў зрэбніцу і сеў ў попел. І загадаў абвясціць і сказаць у Нініве ад імя цара і магнатаў яго: "Людзі і жывёла, быдла і статак хай не ядуць нічога, і не выпускаюцца на пашу і не п'юць вады. Ды хай апрануцца ў зрэбніцы і людзі, і жывёла, і хай моцна клічуць да Бога, і хай кожны чалавек адвернецца ад ліхой дарогі сваёй і ад гвалту, што ёсць у руках яго. Хто ведае, можа, раздумаецца і пашкадуе Бог, і спыніцца абурэнне гневу Яго, і мы не загінем?" І ўбачыў Бог паводзіны іх, што адвярнуліся яны ад дарогі сваёй ліхой, і злітаваўся Бог дзеля кары, якую прадказаў быў, што ўчыніць ім, і не ўчыніў.
Крыніца. Ян Павел ІІ, Рымскі Трыпціх
Затока лесу спускаецца
У рытме горных патокаў...
Калі хочаш знайсці крыніцу,
Мусіш ісці пад гару супраць плыні.
Прадзірайся, шукай, не саступай,
Ведаеш, яна павінна тут недзе быць —
Дзе ты, крыніца?.. Дзе ты, крыніца?!
Ціша...
Струмень, лясны струмень,
Адкрый мне таямніцу
Свайго пачатку!
(Ціша — чаму ты маўчыш?
Як жа старанна схавала ты таямніцу
Свайго пачатку.)
Дазволь арасіць перасохлыя вусны
Крынічнай вадою
І адчуць свежасць,
Жывую свежасць.
Правілы ўдзелу ў біблійным конкурсе
Кат. А:
1.Евангелле паводле Мацвея
2.Кніга Роду (6-9)
3.Кніга Выхаду (11-14)
Кат. В:
1. Евангелле паводле Мацвея
2. Кніга Роду (6-9)
3. Кніга Выхаду (11-14)
4. Другая кніга Самуэля (11-12)
Кат. С:
1. Евангелле паводле Мацвея
2. Кніга Роду (6-9)
3. Кніга Выхаду(7-14)
4. Другая кніга Самуэля (11-12)
Правілы ўдзелу ў конкурсе па гісторыі і жыцці Касцёла
Кат. A, B, C
1. Навяртанне і дзейнасць св. Аўгустына з Гіпоны (матэрыялы па спасылках тут і тут)
2. Споведзь як сакрамант навяртання (на падставе Катэхізісу Каталіцкага Касцёла № 1420-1484)
Правілы ўдзелу ў спартыўных конкурсах
Кожны можа прымаць удзел не больш чым у трох спартыўных дысцыплінах.
Футбол - каманда складаецца з 7 чалавек. Падчас гульні на поле 4 гульца + 1 брамнік, двое запасныя.
Валейбол - каманда складаецца з 7 чалавек. Падчас гульні на пляцоўцы знаходзіцца 6 чалавек, адзін на замене. Дзяўчаты з адной парафіі прадстаўляюць адну каманду, аб'ядноўваючы катэгорыі (А, В, С)
Настольны тэніс - ад адной парафіі ў кожнай узроставай катэгорыі могуць удзельнічаць па два хлопчыкі і па дзве дзяўчынкі
Бадмінтон - ад аднаго прыходу ў кожнай узроставай катэгорыі могуць удзельнічаць па адным хлопчыку і па адной дзяўчынцы
