Валанцёры дзіцячага праекта "Анёлы дабра РМ "ДКТ Карытас" Гродзенскай дыяцэзіі арганізавалі выставу дзіцячага малюнка, прымеркаваную да Дня малітвы за ахвяры Чарнобыльскай трагедыі, паведамляе caritas.by.
Варта адзначыць, што дзеці з радасцю падтрымалі гэтую ініцыятыву і з велізарным жаданнем малявалі, тым самым паказваючы свой удзел у перажыванні гэтай трагедыі. Малюнкі маленькіх пацыентаў артапеда-траўматалагічнага аддзялення гродзенскай дзіцячай абласной бальніцы намаляваны ад душы і з чыстым сэрцам, яны перадаюць увесь жах перажытага амаль 30 гадоў назад. Выставу дзіцячага малюнка можна наведаць з 23 красавіка па адрасе: г. Гродна, вул. Дзяржынскага, 91 (“Карытас”).
Малюнкі можна праглядзець таксама па спасылцы.