18 мая, у панядзелак у вёсцы Гальшаны на парафіяльнай плебаніі адбылося паседжанне змешанай касцёльна-свецкай камісіі, падчас якога прадстаўнікі касцела і свецкіх уладаў падпісалі дамову аб перадачы і прыняцці часткі старога кляштару францішканаў ва ўласнасць Гродзенскай Рыма-Каталіцкай дыяцэзіі.
Будынак быў перададзены касцёлу бясплатна, і з тым намерам, каб у будучым ён быў рэстаўраваны і зноўку ажыў інтэнсіўным рэлігійным жыццём. У ім будзе весціся манаскае жыццё, пры ім будуць арганізоўвацца рэкалекцыйныя спатканні і таксама будуць прыгатаваныя месцы для пілігрымаў і турыстаў, якія будуць наведваць Ашмяншчыну.
Міністэрства культуры РБ і Беларускі Нацыянальны музей перадалі будынак, які патрабуе ў будучым ялікіх рэмонтаў. Спадзяемся, што супольнымі намаганнямі і дзякуючы ахвярам вернікаў удасца ў невялікай будучыні аднавіць некалі гістарычны будынак кляштару францішканаў.
