Я быў у чацвёртым класе, калі ўпершыню апрануў форму каталіцкай школы. Я мог дасягнуць поспехаў у пола або абраць марскую прафесію ў старэйшых класах, але тым не менш, мяне адправілі ў каталіцкі інстытут і там я пазнаёміўся з Таварыствам Езуса, або езуітамі.
У той самы час я пазнаў шмат выдатных людзей, якія шчыра верылі ў Бога і вельмі моцна любілі людзей. Яны паказалі мне іншы бок веры, лепшы ад маёй пратэстанцкай царквы і моладзевай групы, і я атрымаў ад гэтага карысць. У выніку, я цалкам прысвяціў сябе пратэстанцкай царкве, стаўшы пастарам, але ўсё роўна даражу тымі ўрокамі, якія падарылі мне езуіты падчас маёй вучобы.
А зараз, калі абралі папу Францішка, першага езуіта, асвечанага на такую высокую пасаду ў каталіцкім Касцёле, я яшчэ раз звярнуўся да гэтых урокаў. Вось некаторыя найважнейшыя рэчы, якім навучылі мяне езуіты:
1. Сумесная мова ў кампаніі дапамагае дасягнуць добрых вынікаў
Таварыства Езуса (афіцыйная назва езуітаў) пачалося са св. Ігнацыя Лаёлы ў 1534 годзе і шасці яго калегаў па ўніверсітэце ў Парыжы. Ігнацый, у мінулым вайсковец, жадаў сабраць кампанію студэнтаў вакол некалькіх ключавых ідэй. Таксама вядомыя як "Таварыства Езуса" або "Божая Марская Пяхота", езуіты былі ўпэўненыя ў сваёй агульнай місіі. Канстытуцыя езуітаў, прынятая ў 1554 г., гэта асноўны дакумент, які тлумачыць, што значыць быць часткай Таварыства. Агульная мова дапамагае сфакусаваць увагу на агульнай місіі і часта дапамагае дасягнуць большага. Да смерці Ігнацыя ў 1556 г. езуіты ўжо заснавалі 74 каледжа на 3 кантынентах.
2. Кансерватыўная тэалогія не перашкаджае клапаціцца пра бедных
У заходнім пратэстантызме, калі вы клапоціцеся пра бедных і вас турбуе сацыяльная справядлівасць, людзі думаюць, што вы "ліберал" - слова, часта звязанае з пазіцыяй руху pro-choice ("за выбар" - выступаюць за легалізаванне аднаполых сувязяў. - заўв. рэд.) і вольнай інтэрпрэтацыяй Пісання. Але езуіты маюць поспех у адкіданні бінарый "або/або" і выразна прымаюць парадоксы Пісання "абодва/і". Яны - самы палітычна актыўны ордэн каталіцкага Касцёла, і нават падвяргаліся крытыцы папы Яна Паўла II за празмерную ўцягнутасць у свецкія справы. У той жа час клопат аб бедных не губляецца на працягу ўсёй іх інтэлектуальнай гісторыі, вы не зможаце папракнуць іх у рашэнні выключна тэалагічных пытанняў.
3. Багатыя акадэмічныя традыцыі могуць уплываць на культуру
Маладыя хрысціяне даведаліся б шмат рэчаў пры размове са святаром аб вучэнні, чым валодае кожны езуіт. Езуіты вельмі вядомыя сваімі школамі і ўніверсітэтамі. У такіх школах, як Джорджтаун (Georgetown), Гонзага і Маркетт (Gonzaga and Marquette) - езуіцкія карані, і яны прытрымліваюцца традыцый ордэна. Іх школы вядомыя акадэмічнай моцай, і перад прызначэннем святары дадаткова вучацца некалькі гадоў. Пратэстанцкі рух - група высокадухоўных людзей, якія часта ігнаруюць каштоўнасць акадэмічнага вучэння. Хоць і ёсць выдатныя праявы пратэстанцкай субкультуры, якая шануе і прапагандуе вучэнне, гэты рух усё ж больш вядомы сваім уплывам у любую культуру, ён ідзе побач з высокімі тэхналогіямі, але невядомы сваімі акадэмічнымі традыцыямі. Маладыя хрысціяне набылі б шмат пры размове са святаром (аб вучэнні), чым валодае кожны езуіт. Я ведаю, я набыў.
4. Сапраўдная пакора дае праўдзівую сілу
Нягледзячы на абсалютную адданасць папу, Ватыкан часта накіроўвае езуітаў у самыя бедныя куткі планеты, дзе існуе патрэба ў Евангеллі. Чацвёртая клятва езуіта пры пасвячэнні - абсалютная адданасць і падпарадкаванне папу, пры гэтым, напэўна, дзіўна даведацца, што папа Францішак - першы езуіт ва ўсёй гісторыі Касцёла, які стаў пантыфікам. На гэта маса прычын, але малавядома, што езуітаў на самой справе не натхняюць высокія пасады ў Касцёле. Рэдкасць - папа езуіт, але таксама рэдка сустрэнеш езуіта сярод кардыналаў, біскупаў або арцыбіскупаў. Пры іх абсалютнай адданасці Папу, Ватыкан часта адпраўляе езуітаў у самыя бедныя месцы на планеце, дзе існуе патрэба Евангелля. У гісторыі Таварыства Езуса яго прадстаўнікі бывалі ў гета і трушчобах. Іх мэта - не ўлада на зямлі або ў Касцёле, а служэнне мясцовай абшчыне ўсім, чым толькі магчыма. Папа Францішак увасабляў гэтую ідэю яшчэ тады, калі быў у высокім званні арцыбіскупа Аргентыны. Ён пакінуў выдатны каталіцкі дом і жыў у маленькай кватэры, ездзіў у прыход на аўтобусе кожны дзень і праводзіў вялікую колькасць часу з беднымі і ізгоямі абшчыны. З нашымі растучымі дакучлівымі ідэямі аб гламурных мегацэрквах, мы маглі б многаму навучыцца на прыкладзе жыцця пакорлівага святара.
5. AD MAIOREM DEI GLORIAM
Дэвіз езуітаў "AD MAIOREM DEI GLORIAM", або "Для вялікай славы Божай." Гэтую фразу вы ўбачыце ва ўсіх навучальных установах езуітаў і дзе-нідзе ў езуіцкіх абшчынах. Я таксама яе бачыў на нашых пратэстанцкіх гуртках і чуў у песнях праслаўлення. І для хрысціян, і для Таварыства Езуса неабходна пераадольваць прывілеі царкоўнай культуры і працаваць для Яго славы. Гэта нашая агульная мэта. Вестмінстэрскі Катэхізіс (Пратэстанцкі дакумент, напісаны каля 100 гадоў пасля Ігнацыя) абвяшчае: асноўнае прызначэнне чалавека - праслаўляць Бога і вечна цешыцца ў Ім. Разважанні на гэтую тэму нікога не пакрыўдзяць, а на самой справе прывядуць да так неабходнага ўсім адзінства.
Крыніца: Chris Nye "5 Things Evangelicals Can Learn From Jesuits" Relevant, Ideas4God
Пераклад Бажэны Пацалуйка, grodnesis.by
Здымак http://jezuici.pl/
