Сёння 2 кастрычніка Касцёл узгадвае св. Анёлаў Ахоўнікаў. Перакананне ў існаванні і прысутнасці Анёлаў, у тым ліку Анёлаў Ахоўнікаў, з’яўляецца адным з найважнейшых элементаў нашай веры. Анёлы з’яўляюцца духамі, cтворанымі Богам для Яго хвалы і дапамогі людзям. Тыя, каму Бог давярае апеку над людзьмі, з’яўляюцца нашымі Анёламі Ахоўнікамі.
Узгадванне Анёлаў Ахоўнікаў з’явілася толькі ў XV ст. на Іберыйскім паўвостраве, асабліва на тэрыторыях Іспаніі і Францыі. У 1608 годзе Павел V дазволіў абыходзіць гэтае свята ў першы дзень звычайны пасля ўзгадвання св. Міхала Арханёла. На стала ў літургічны каляндар ўспамін св. Анёлаў Ахоўнікаў увёў Клеменс Х у 1670 годзе.
Жывой верай у Анёлаў Ахоўнікаў вылучаўся між іншым бл. Ян ХХІІІ, які яшчэ як апостальскі нунцый перад кожнай важнай сустрэчай прасіў свайго Анёла Ахоўніка аб паспяховым выніку перамоў і іх добрым плёне.
Малітва да Анёла Ахоўніка
Анёле Божы, дружа мой,
Ты заўсёды будзь са мной.
Рана, ўвечар і ўначы
Будзь ласкаў мне памагчы
Змагаць духа злога,
Верна служыць Богу.
Душу, цела сцеражы,
Да жыцця вечнага давядзі. Амэн.
Catholic.by
Анёле Божы, Ахоўнік мой, вечны дружа, які дапамагаеш мне змагацца з пасткамі шатана, дзякуй табе за тваю дапамогу, асвятляй мне, каб паўсюль і ва ўсім выконваў (-ла) волю Божую. Амэн.
