11 красавіка ў Дзятлаве прайшоў Крыжовы шлях па вуліцах горада.
На набажэнстве сабралося шмат удзельнікаў. Распачалося яно ля касцёла Унебаўзяцця Найсвяцейшай Панны Марыі. Як заўсёды, у межах Крыжовага шляху было
14 прыпынкаў, прысутныя разважалі над апошнімі гадзінамі зямнога жыцця Езуса Хрыста.
Крыж па чарзе неслі маладыя і пажылыя людзі, дзеці, міністранты, святары, медыкі, педагогі, прадпрымальнікі, працаўнікі іншых сфер.
Многія ўдзельнікі трымалі свае невялікія крыжы.
У канцы набажэнства пробашч парафіі кс. Андрэй Лішко выказаў падзяку за ўдзел, пажадаўшы добра правесці Вялікі тыдзень.
Прэс-служба Гродзенскай дыяцэзіі
