30 красавіка ў гродзенскай катэдральнай парафіі св. Францішка Ксаверыя прайшла велікодная акцыя “Жыць міласэрнасцю”, арганізаваная дабрачынным каталіцкім таварыствам “Caritas” Гродзенскай дыяцэзіі.
Гэтую акцыю дабрачыннае таварыства ўжо не першы раз праводзіць у час Вялікага посту. У яе межах прапануецца набыць вырабы, створаныя валанцёрамі таварыства і людзьмі з абмежаванымі магчымасцямі. Сродкі, атрыманыя ад продажу, накіроўваюцца на дапамогу дзецям з абмежаванымі магчымасцямі і тым, хто знаходзіцца ў цяжкай жыццёвай сітуацыі.
“Кожнаму, хто прымае ўдзел у акцыі, мы прапанавалі стварыць партрэт “Caritas”, пакінуўшы сваю пячатку. Таму што “Caritas” – гэта кожны з вас”, – aдзначаюць арганізатары.
Акцыя пройдзе таксама ў нядзелю 6 красавіка ў гродзенскіх парафіях Беззаганнага Зачацця Найсвяцейшай Панны Марыі (Паўднёвы) і Святога Духа (Альшанка).
Прэс-служба Гродзенскай дыяцэзіі
